దేవుని సన్నిధిలో
ప్రతి రోజు నువ్వు గడిపే సమయం ఎంత
శోధన సమయంలో
ఆపవాదిని ఎదురించే ధైర్యం ఎంత (2)
రాకడ సమయంలో – యేసుని చేరే విశ్వాసం
ఈ లోకపు పందెంలో నీకున్న సహనమెంత (2)
ఎంతా ఎంత – శ్రమ ఏదైనా
నువ్వు కనపరిచే – పోరాటం ఎంతా
ఎంతా ఎంత – నీ శత్రువు పైనా
నువ్వు చూపించే – వాత్సల్యం ఎంతా ||దేవుని||
తన పోలికలోనే నిన్ను నిర్మించాడు
తన ఏలికలోనే నిన్ను ఊహించాడు (2)
తన ఆజ్ఞను మీరి – నువ్వు చేసిన పాపాలన్ని
దేవుని మనసును బాధించిన ఆ గాయం లోతెంత (2)
ఎంతా ఎంత – పాపివైన
నిను రక్షించిన – తండ్రి ప్రేమ ఎంత
ఎంతా ఎంత – ఆ కలువరి సిలువలో
నీకై కార్చిన – రక్తం విలువెంత ||దేవుని||
నిను పిలిచినవాడు – ఎంతో నమ్మదగినవాడు
ఆ పిలుపుకు తగినట్టు – అంతే నమ్మకంగా ఉండు (2)
ఆత్మల కొరకైన – దేవుని దాహం తీర్చే భారం
దేవుని సేవలో కొనసాగే నీ ప్రయాసం ఎంత (2)
ఎంతా ఎంత – స్థితి ఏదైనా
నువ్వు అర్పించే స్తుతి యాగం ఎంత
ఎంతా ఎంత – దేవుని పనికై
నువ్వు చేసే త్యాగం ఎంత ||దేవుని||