గోరంతలు కొండంతలుగా చేసి
పరులార్జన నీ సొంతముగా చూపి
గప్పాలు కొట్టే పెద్దయ్యో – గొప్పలు చెప్పవద్దయ్యో
1. అన్నీఉన్న విస్తరి ఎపుడూ అణిగిమణిగి ఉంటుంది
ఖాళీగున్న పాత్రయే చాలా చప్పుడు చేస్తుంటుంది
మాటలింక తగ్గించాలి – చేతలలో చూపించాలి
నీ ఘనతను నువ్వుగాక నీ పనులే చాటించాలి
2. నిన్నుగూర్చి ఇతరులు చెపితే తెలుస్తుంది నీ మంచితనం
నీ మంచిని పరులు పొగిడితే పెరుగుతుంది నీదు గౌరవం
మృదుభాషణే అలంకారం – నోరు కాచుకుంటే శ్రేష్టం
చేతనైన మంచిపని చేస్తేనే ఆశీర్వాదం
3. చెప్పిందే చెయ్యాలంటూ యేసుక్రీస్తు బోధించాడు
చేసిందే చెప్పాలంటూ ఆచరించి చూపించాడు
గురునిబోధ పాటించాలి – అడుగులలో పయనించాలి
హెచ్చింపబడాలంటే తగ్గింపుతో జీవించాలి