రక్షణ ఔన్నత్యం రక్షకుడే తెలుపును
పర్వత శిఖర శ్రేణి వలెనే నిశ్చలమైనది
1మలిన వస్త్రమువలెనే -నిండి యుంటిమి నిందలతో
తండ్రి మాదిరిగా మము వెదకి వచ్చి వింతగా మము రక్షించెను||రక్షణ||
2 అరణ్య ప్రదేశములో-పాడైన యెడారిలో
కనుగొనెను పరామర్శించెన్ కనుపాపవలే గాచెన్||రక్షణ||
3 యాకోబు వలే నుంటిమి-ఇశ్రాయేలుగా మార్చెను
తన స్వాస్థ్యముగా తన భాగముగా తన జనముగానైతిని||రక్షణ||
4పర్వతములను సృజించినన్-శ్రేష్టమైనవి నిచ్చేన్
అబ్రహాం మోషే ఏలియా యేసు ఎక్కిరి శిఖరములు||రక్షణ||
5పక్షి రాజువలె ప్రభువు -రెక్కలతో మము మోయున్
అలసట లేక మము పట్టుకొని ఆకసమున నడుపును||రక్షణ||
6 యేసుని సత్యములు-పర్వత శిఖరములు
పరిపూర్ణమగు ప్రభు రక్షణను పరికింపజేయును||రక్షణ||
7యెషయా ప్రవచనములు-రక్షణ వివరములు
శిఖర శ్రేణి యనుభవములు శిఖరముపై పొందుము||రక్షణ||