యేసు అందరికి ప్రభువు…. యేసే…. లోకరక్షకుడు
లోకము ఆకాశము మారినా నిత్యముండును క్రీస్తే “యేసు”
1. అల్ఫా ఓ మేగయు యేసే – ఆద్యంతములు ఆ క్రీస్తే
అన్ని కాలంబులలో నున్నవాడు – కన్నతండ్రి మనకు ఆ ప్రభువే “యేసు“
2. దేవుడు మనలను ప్రేమించే ఈ లోకమునకు తానేతెంచె
పాపాత్ములమైన మనకొరకే – ఆ సిలువలో ప్రభువు మరణించె “యేసు“
3. పాపులు ప్రభుని వేడినా – కలుషాత్ములు ప్రభు క్షమకోరినా
క్షమియించును ప్రభువు తక్షణమే – విడిపించును పాప శిక్షనుండి
4. రమ్ము ఓ సోదరా నేడే – ఇమ్ము నీ హృదయ మీనాడే
నీ కొరకు యేసు పిలుచుచుండె నీ హృదయపు వాకిట నిలిచియుండె