యేసయ్య నీవే నా దేవుడవు – యేసయ్య నీవే నా ప్రియుడవు
నన్ను ప్రేమించావు నన్ను దీవించావు
నా కొరకై కలువరి సిలువలో ప్రాణం పెట్టావు
నీవే నా దేవుడవు నీవే నా ప్రియుడవు
1.నీవే నా ఆనందమునకు పాత్రుడు దేవా –
నీవు లేనిదే నా మనసంతా ఘోరము దేవా
నన్నుబలపరిచావు నన్ను హత్తుకొన్నావు –
ఏ యోగ్యతా లేని నన్ను ఎన్నుకున్నావు
నీవే నా సర్వస్వము నీవే నా ఆనందము
2.నీవే నా జీవితమునకు మార్గము దేవా –
నీతో ఉండని నా బ్రతుకంతా శూన్యము దేవా
నన్ను రక్షించావు నన్ను క్షమియించావు –
నా పాపము శాపము నీ రక్తముతో కడిగావు
నీతోనే నా జీవితము నీతోనే అనుబంధము