నీ దేవుడేడంచు నిన్నడుగుచున్నాడు ఎక్కడున్నావని చెప్పను
ఎలా ఉన్నావని చూపను – యేసు(2)
1.ఆకసముల నడుగరాదా – అంతరిక్షము చెప్పలేదా
యేసురాజే సృష్టికర్తయని
యేసునాధుడే సార్వభౌముడని
అంతరిక్షము చెప్పలేదా – ఆకసముల నడుగరాదా”నీ”
2.నక్షత్రముల నడుగరాదా – సాక్షులై అవి చెప్పలేదా
యేసురాజే దేవుడని
విశ్వమంతా యేసు సృష్టియని
సాక్షులై అవి చెప్పలేదా – నక్షత్రముల నడుగరాదా”నీ”
3.మానవాత్మను అడుగరాదా – అంతరాత్మ చెప్పలేదా
యేసు దేవుడే నిన్ను చేసేనని
యేసు లేనిదే ఏది కలుగదని
అంతరాత్మ చెప్పలేదా – మానవాత్మను అడుగరాదా”నీ”
4.దైవవాక్యం చదువరాదా – వాక్య సత్యం చెప్పలేదా
యేసు ప్రజల రాక్షకుడని
యేసే ప్రజల విమోచకుడని
వాక్యసత్యం చెప్పలేదా – దైవవాక్యం చదువరాదా”నీ”