నా హృదయ సీమలో ఆనందగీతిక
పొంగి పారింది మేని పులకించగ
అ.ప. : క్రిస్మస్‌ గంటలు మ్రోగాయి – క్రీస్తుని జన్మను చాయి
1. ఆశ్చర్యకరుడు నిత్యుడగు దేవుడు
ఈ భువిలో ఉదయించ పుడమికే పండుగ
ఆ దేవుడే గుండె గదిలో జన్మించ
నా బ్రతుకున అదే నిజమైన పండుగ
2. గగనాన దూతలు గళమెత్తి పాడ
సమాధాన గీతాలు జనులకు వినిపింప
ఆ యేసు బాలుని ఆ దివ్యరూపుని
మనసున స్మరియింప ఉప్పొంగె నా మది
3. పరలోక సళిలిఖ్యం విడనాడి యేసు
దీనుడుగా ఇలకు దిగి వచ్చినాడు
ఆ రాజువోలె తగ్గింపు కలిగి
తన దివ్య సేవలో సాగుటే ధన్యత