నా హృదయలోగిలిలో కొలువైన నా స్వామి

నా హృదయలోగిలిలో కొలువైన నా స్వామి

నీ ప్రేమ కౌగిలిలో నను ఒదిగిపోనీ

అ.ప. : నీ ఆత్మతో నను నిండనీ – నీ సాక్షిగా ఇలలో నన్నుండనీ

1. నాలోపల సంచరించి – నాతోభుజియించి

జీవపుమార్గము చూపించి – సరిగానడిపించి

నా జీవితం వెలిగించినావా – నీ రూపమే నాలో ముద్రించినావా

2. బలహీనతలను హరియించి – శక్తితో దీవించి

అజ్ఞానము నిర్మూలించి – సత్యము బోధించి

నా భారమే భరియించినావా – నీ శాంతినే నాలో స్థాపించినావా

3. అనురాగముతో బంధించి – ఆప్యాయత పంచి

ఆనందము ననుగ్రహించి – ఆత్మీయత పెంచి

నా శోకమే తొలగించినావా – స్తుతిగానమే నాలో పలికించినావా