నా యేసూ నీ పాదాల చెంతా
నే ధ్యానింతును జీవితమంతా (2)
మరువను దేవా నీ సిలువ త్యాగము
విడువను ప్రభువా విలువైన భాగ్యము (2)
పూర్ణ మనస్సుతో… పూర్ణ బలముతో…
పూర్ణాత్మతో నిన్ను ప్రేమింతును ||నా యేసూ||
పలుమార్లు నిన్ను నే వీడినాను
నీ గాయాలను నే రేపినాను (2)
కోపించక ఎప్పుడూ… నా రాకకై
నీ కరుణించే కనుచూపుతో
కాంక్షతో వీక్షించిన దేవా ||మరువను||
నీ శ్రేష్ట పిలుపును నే త్రోసినాను
నీ హృదయాన్ని క్షోభ పెట్టినాను (2)
విసుగక ఎప్పుడూ… నా ప్రార్థనకై
నీ ప్రేమించే పూర్ణ మనస్సుతో
వాంఛతో వేచిన దేవా ||మరువను||