దేవసంస్తుతి చేయవే మనసా – శ్రీమంతుడగు యెహోవా సంస్తుతి
చేయవే మనసా = దేవ సంస్తుతి చేయుమా నా – జీవమా యెహోవా
దేవుని – పావన నామము నుతింపుమా – నా యంతరంగము – లో
వసించు నో సమస్తమా
1. జీవమా యెహోవా నీకు – జేసిన మేళ్ళన్ మరువకు = నీవు జేసిన
పాతకంబులను – మన్నించి జబ్బు లేవియున్ లేకుండ జేయును –
ఆ కారణముచే
2. చావుగోతి నుండి నిన్ను – లేవనెత్తిన దయను కృపను = జీవకిరీటముగ
చేయును – నీ శిరసు మీద – జీవకిరీటముగ వేయును –
ఆ కారణముచే
3. యౌవనంబు పక్షిరాజు – యౌవనంబు వలెనె క్రొత్త = యౌవనంబై
వలెయునట్గుగ – మేలిచ్చి నీదు – భావమును సంతుష్టి పరచునుగా
ఆ కారణముచే
4. ప్రభువు నీతి పనులు చేయున్ – బాధితులకు న్యాయమీయున్ =
విభుడు మార్గము తెలిపె మోషేకు – తన కార్యములను – విప్పె
నిశ్రాయేలు జనమునకు – ఆ కారణముచే
5. అత్యధిక ప్రేమాస్వరూపి – యైన దీర్ఘశాంతపరుడు = నిత్యము
వ్యాజ్యంబు చేయడు – ఆ కృపోన్నతుడు – నీపై నెపుడు
కోప ముంచడు – ఆ కారణముచే
6. పామరులని – ప్రత్యపకార – ప్రతిఫలంబుల్ పంపలేదు =
భూమి కన్న నాకసంబున్న – యేత్తుండు దైవ – ప్రేమ భక్త
జనుల యందున – ఆ కారణముచే
7. పడమికి తూర్పెంత యెడమో – పాపములకున్ మనకునంత
యెడము కలుగజేసి యున్నాడు – మన పాపములను – నెడముగానె
చేసియున్నాడు – ఆ కారణముచే
8. కొడుకులపై తండ్రిజాలి – పడువిధముగా భక్తిపరుల = యెడల
జాలిపడును దేవుండు – తన భక్తిపరుల – యెడల జాలిపడును
దేవుండు – ఆ కారణముచే
9. మనము నిర్మితమైన రీతి – తనకు తెలిసియున్న సంగతి = మనము
మింవారమంచును – జ్ఞాపకముచేసి – కొనుచు స్మరణ చేయు
చుండును – ఆ కారణముచే
10. వూసిగాలి వీవనెగిరి- పోయి బసకు దెలియని వాన = వాస పుష్పము
వలెనె నరుడుండు – నరునాయువు తృణ – ప్రాయము శ్రీ దేవకృప
మెండు – ఆ కారణముచే
11. పరమదేవ నిబంధనాజ్ఞల్ – భక్తితో గైకొను జనులకు = నిరతమును
కృప నిలిచి యుండును యె – హోవా నీతి తరముల పిల్లలకు
నుండును – ఆ కారణముచే
12. దేవుడాకాశమును గద్దె – స్థిరపరచుకొని సర్వమేలున్ = దేవదూత
లారా దైవాజ్ఞ – విని వాక్యము నడుపు – దిట్టమైన శూరులారా –
స్తోత్రంబు చేయుడి
13. దేవ సైన్యములారా ఆయన – దివ్య చిత్తము నడుపున్టి సేవ
కావళులారా దేవుని – పరిపాలన చోట్ల – లో వసించు కార్యము
లారా – వందనము చేయుడి