దేవా మా కుటుంబము నీ సేవకే అంకితం

దేవా మా కుటుంబము – నీ సేవకే అంకితము (2)

ఈ శాప లోకాన – నీ సాక్షులుగా నిలువ

నీ ఆత్మతో నింపుమా (2)           ||దేవా||

కాపరి మా యేసు ప్రభువే – కొదువేమి లేదు మాకు

మాకేమి భయము – మాకేమి దిగులు

నీకే వందనములయ్యా

లోబడి జీవింతుము – లోపంబులు సవరించుము

లోకాశలు వీడి – లోకంబులోన

నీ మందగా ఉందుము          ||దేవా||

సమృద్ధి జీవంబును – సమృద్ధిగా మాకిమ్ము

నెమ్మది గల ఇల్లు – నిమ్మళమగు మనస్సు

ఇమ్మహిలో మాకిమ్మయ్యా

ఇమ్ముగ దయచేయుము – గిన్నె నిండిన అనుభవము

ఎన్నో కుటుంబాల ధన్యులుగా జేయంగా

మమ్ములను బలపరచుము         ||దేవా||

ఏ కీడు రాకుండగా – కాపాడుము మా పిల్లలను

లోక దురు వ్యసనంలా – తాకుడు లేకుండా

దాచుము నీ చేతులలో

ఒలీవ మొక్కల వలెను ద్రాక్షా తీగెలను పోలి

ఫల సంపదలతోను – కలకాలము జీవించ

కురుపించుము నీ దీవెనలన్         ||దేవా||

పెంపారు జేయుము మాలో – సొంపుగ నీ ఘన ప్రేమన్

నింపుమా హృదయములు – శాంతి భాగ్యంబులతో

సంతసంబుగ సాగెదము

వింతైన నీ ప్రేమను – అంతట ప్రకటింతుము

కొంత కాలమే మేము – ఉందుము లోకాన

చెంత చేరగ కోరెదము

నీ చెంత చేరగ కోరెదము            ||దేవా||