దేవా నీ తలంపులు అమూల్యమైనవి నాయెడ
నాయెడల నీ కరుణ సర్వసదా నిలుచుచున్నది
1.స్తుతు లర్పింతు ప్రభు నీకు నేడే -స్తుతి పాడేద హృదయముతో |దేవా|
స్తుతించి వర్ణించి ఘనపరతున్-నీవే నా రక్షకుడవని|దేవా|
2.మొదట నిన్ను ఎరుగనైతిని-మొదటే నన్ను యెరిగితివి
వెదుకాలేదు ప్రభువా నేను-వెదికితివి యీ పాపిని |దేవా|
3. మరణమగు ఊబిలో నుంటిని-కరుణ నిలచె నన్ను రక్షింప
మరణము నుండి రక్షింపనన్ నా ప్రభు బలియాయెను |దేవా|
4.పాపలోకములో మునిగి యుంటిని -పాప శిక్షకు పాత్రుడను
యేసు ప్రభు సిలువ సహించెను నాకు నూతన జీవమొసగ|దేవా|
5.అద్భుతమైనది సిలువ దృశ్యం -ప్రభువును కొట్టి ఉమ్మివేసిరి
ప్రభుని వర్ణింపనశక్యము ప్రభువే సహించె దుఃఖము|దేవా|
6.ఎట్లు మౌనముగా నుందు ప్రభూ -చెల్లింపక స్తోత్ర గీతము
కాలమంతా పాడుచుండెద -నీ ప్రేమ అపారమైనది|దేవా|