దయగలిగిన సామీ ఓ యేసయ్యా
బయబక్తితో నిన్ను కొలిసేమయ్యా
మనిషి రూపులో వచ్చిన మెస్సయ్యా
మనసుల్లో నీ రూపం నిలిపేమయ్యా
నీకెరుకలేంది ఏమున్నది మాలోపల
నీ కనికరం లేకపోతే బతికేదెలా
1. నేలమన్ను తీసి – నరునిగా చేసి
నీ జీవం పోసావయ్యా – జీవాత్మగ మార్చావయ్యా
నీ ఊపిరి సృష్టి అందము – మా కాపరీ నీవే నిత్యజీవము
2. ఆజ్ఞ ఇయ్యగానే – నోటి మాటతోనే
సృష్టంత కలిగేనయ్యా – అందంగా వెలిగేనయ్యా
నీ ఊపిరి సృష్టి అందము – మా కాపరీ నీవే నిత్యజీవము
3. ప్రాణమునే నీవు ధారపోసినావు
మరణాన్నే గెలిచావయ్యా – సాతానుని కూల్చావయ్యా
నీ ఊపిరి సృష్టి అందము – మా కాపరీ నీవే నిత్యజీవము