తరాలు మారినా మారనే మారదు
ఎన్ని యుగాలైనా విడువదు ఎడబాయదు (2)
ఏ ఫలమును ఆశించని ప్రేమ – ఏ బలమును కోరని ప్రేమ
ఏ భేదము చూపని ప్రేమ – అది వర్ణనకందని ప్రేమ
తనపై నను మోసే ప్రేమ – అనుదినము కాచే ప్రేమ
నను మోక్షం చేర్చే ప్రేమ – ఆ యేసుని కల్వరి ప్రేమ ||తరాలు||
దుష్టులతో సాంగత్యం – చెడు సావాసముతో తిరుగుచుండగా
పిలిచావయ్యా నీ ప్రేమగల పిలుపుతో
ఈర్ష్యాసూయలతో – కోపద్వేషాలతో నలిగియుండగా
మలిచావయ్యా నీ దయగల హస్తముతో (2)
ఘోరపాపినైన నన్ను – చేర్చుకున్న ప్రేమ
వేషధారినైన నన్ను – మార్చుకున్న ప్రేమ
ఆ కలువరిసిలువలో నాకై – శ్రమలనోర్చుకున్న ప్రేమ
ఏ క్రమమూ లేని నన్న-మర్చుకున్న ప్రేమ
నను ఎన్నడూ విడనాడని
ఎడబాయని శాశ్వతమైన ప్రేమ ||తరాలు||
నీ ప్రేమను రుచి చూచి – నీ సన్నిధినే విడచి
ఇహలోకపు ఆశలతో నే కుక్కవలె తిరిగాను
నీ వాక్యపు వెలుగును ఎంచి – నీ మార్గాన్నే మరచి
ఈ పాపపు పంకములో నే పందివలె పొర్లాను (2)
నిను విడచీ నే మరచిననూ – నను వెదకిన ప్రేమ
నా కన్నా నన్ను ప్రేమించే – నీ కృపగల ప్రేమ
నా పాప శాప జీవితం – నాకు చూపిన ప్రేమ
అది తెలసి తిరిగిరాగా – మళ్లీ చేర్చుకున్న ప్రేమ ||నను ఎన్నడూ||