కనురెప్ప పాటైన కను మూయలేదు

కనురెప్ప పాటైన కను మూయలేదు –

ప్రేమ ప్రేమ ప్రేమ

నిరుపేద స్థితిలోను నను దాటిపోలేదు – ప్రేమ ప్రేమ ప్రేమ (2)

పగలూ రేయి పలకరిస్తుంది

పరమును విడిచి నను వరియించింది (2)

కలవరిస్తుంది ప్రేమా

ప్రాణమిచ్చిన కలువరి ప్రేమ       

||కనురెప్ప||

ప్రేమ చేతిలో నను చెక్కుకున్నది

తన రూపులో నన్ను మార్చుకున్నది (2)

ప్రేమకు మించిన దైవము లేదని

ప్రేమను కలిగి జీవించమని (2)

ఎదురు చూస్తుంది ప్రేమా

ప్రాణమిచ్చిన క్రీస్తు ప్రేమ       

||కనురెప్ప||

ప్రేమ కౌగిలికి నన్ను పిలుచుచున్నది

ప్రేమ లోగిలో బంధించుచున్నది (2)

ప్రేమకు ప్రేమే తోడవుతుందని

ప్రేమకు సాటి లేనే లేదని (2)

కలవరిస్తుంది ప్రేమా

ప్రాణమిచ్చిన క్రీస్తు ప్రేమ        

||కనురెప్ప||