ఊహలకందనిది నీ త్యాగం – వర్ణింపజాలనిది
ఊసులకందనిది నీ యాగం – వివరింపజాలనిది
నీ కొరకే ఆ త్యాగం – మన కొరకే బలయాగం
ఎంత ప్రేమయ్యా యేసు – వింత ప్రేమయ్యా(2)”ఊహల”
1.ఎవరూ చూపని నీ ప్రేమ – నాకై చూపిన నా దేవా
ఎవరూ చేయని ఆ త్యాగం – నాకై చేసిన నా ప్రభువా
ఏమని వర్ణింతును – ఏమని వివరింతును
నీ గొప్ప త్యాగాన్ని యేసు – ఆ గొప్పయాగాన్ని(2)”ఊహల”
2.నాలో మంచి లేదనియు – తెలిసి తనయునిగా పిలచి
ఎంచలేని మంచిని – నాలో పెంచాలని యెంచి
యాగమై బలియాగమై – త్యాగమై ప్రాణ త్యాగమై
నాకై మరణించినా యేసు – నన్ను బ్రతికించినా యేసు(2)”ఊహల