ఆశ్రయింప నా యేసున్నాడు
శాశ్వతకాలం క్రీస్తు మారనివాడు
నిరీక్షణ కాధారం లేని వేళలో
నమ్మకమైన దుర్గమే
చరణములు
1.సైన్యాధిపతి యెహోవా
యాకోబు యొక్క ఆశ్రయం
ఆపత్కాలమునందు నాకు ప్రభువే
నిజమైన సహాయకుడు – ఆశ్రయింప
2.పునాదులు పాడైయుండగా
నీతిమంతుడేం చేయును
క్రీస్తనే బండయే నాకు ఆశ్రయం
కదల్చబడను ఎన్నడు – ఆశ్రయింప
౩.నిరీక్షణ లేని కాలంలో
అబ్రహాం దేవుని నమ్మెను
విశ్వాస మార్గమందు నాశ్రమలలో
మహిమ నిరీక్షణ క్రీస్తే – ఆశ్రయింప
4.మనుష్యులన్ నమ్ముటకంటే
యెహోవాను నమ్ముటే మేలు
శోదన పోరాటములో నాదు గురి
రక్షకుడేసు మాత్రమే – ఆశ్రయింప
5.సీయోను షాలేం నగరం
నిత్య నివాస స్థలము
ఆశ్రయ పురమును చేరి ప్రభుతో
సదాకాలం హర్షించెదను – ఆశ్రయింప