ఆత్మీయ వసంతకాలం – నలువది దినాల ధ్యానం
కరుణమూర్తి త్యాగం ప్రేమ తలపోసే మంచి సమయం
లోకానికి దూరంగా – దేవునికి సమీపంగా
ఆత్మీయ ఉన్నతికి నడిపించు సోపానం
1. లోకాశలకు లాగెడు శత్రువులు
అపవాదిని ఈ దేహమును జయించను
ఉపవాసముతో – దైవ సన్నిధిలో
గడిపి తరించే ఆశీర్వాద కాలం
2. అవమానభరిత సిలువ మరణమును
పొందిన ఆ త్యాగశీలిని తలువను
పశ్చాత్తాపముతో – నియమ నిబంధనతో
ప్రార్థనలో గడిపే దీవెనకాలం